الصداع النصفي 2 "المحفزات " - الصداع
حتى الآن مفيش سبب وحيد واضح ومفهوم للصداع النصفي "الشقيقة" :
قد يكون نتيجة نشاط غير طبيعي يؤثر بشكل مؤقت على الإشارات العصبية والكيميائية والأوعية الدموية في الدماغ
وقد يرتبط بعوامل وقابلية جينية مع عوامل بيئية بتساعد على ظهور المرض ..
وعادة بيكون فيه محفزات "مهيجات" لنوبة الصداع
طيب يعني اية محفزات ؟؟
يعني حاجة لما تحصل عادة يجي معاها نوبة الصداع في كل مرة او معظم الأحيان ..
ومهم إن المريض يعرف هل فيه حاجة بتحفز نوبات الصداع عنده ولا مفيش ... عشان البعد عن المحفزات قدر الإمكان دا جزء مهم من العلاج ..
أشهر المحفزات :
التعرض للشمس
الاضطرابات المزاجية والنفسية
عدم انتظام النوم والسهر
عدم انتظام وجبات الطعام
المجهود البدني والذهني الزائد والتوتر والاكتئاب
الصيام لفترات طويلة وانخفاض مستوى السكر بالدم
بعض الأطعمة مثل الشيكولاتة والمكسرات وبعض أنواع الجبن
بعض المشروبات مثل الكحوليات والاكثار من الكافيين زي القهوة الكتييييير
بعض الروائح
الاضواء الساطعة والاصوات المرتفعة
التغيرات الهرمونية عند النساء أثناء فترة الدورة الشهرية وممكن الأدوية الهرمونية
تغييرات المناخ خاصة المفاجأة
ومش لازم يكون فيه محفز للنوبة وتيجي لوحدها .. بس لو فيه محفز معين فالبعد عنه بيبقى احد طرق الوقاية من النوبة وشدتها
طيب هل فيه نصائح معينة يجب على مريض الصداع النصفي اتباعها ..
ده اللي هنعرفه في الموضع الجاي ان شاء الله
ايه رأيك تراجع مواضعينا اللي فاتت وتتابع اللي جاي
ومتنساش شير وعرف غيرك
دكتور أسامة يعقوب محمد
استشاري ومدرس أمراض المخ والأعصاب
كلية طب قصر العيني - جامعة القاهرة
دكتوراة الأمراض العصبية - جامعة القاهرة
ماجستير الأمراض العصبية والنفسية - جامعة القاهرة
عضو الجمعية المصرية للأمراض العصبية والنفسية وجراحة الأعصاب
عيادة الدقي :
119 ش التحرير بجوار محطة مترو الدقي - الدور الخامس
عيادة أكتوبر :
المحور المركزي - بجوار مسجد الحصري - أبراج أكتوبر بلازا - الدور الأول
للمواعيد والحجز بالعيادات بالاتصال على :
01143006611
عفواً لا يوجد تعليقات في الوقت الحالي ، كن أول من يعلق على هذا الموضوع ... ↴
