انواع الصداع - الصداع

الصداع ليه قسمين أساسيين وكل قسم فيه أنواع كتير

القسم الأول : الصداع الاولي : ودة صداع مش ناتج عن مشكلة تانية .. عشان كدة اسمه اولي ..و ليه اكتر من نوع، وكل نوع من الأنواع دي بيبقى ليه بعض النظريات تفسر سبب حدوثة .. زي انقباض في عضلات الرأس والرقبة او اضطراب في الاوعية الدموية

واهم أنواع الصداع الاولي :
الصداع التوتري
الصداع النصفي (الشقيقة)
الصداع العنقودي وأنواع تانية كتير ... وان شاء الله هنبقى نتكلم عنهم

القسم التاني : الصداع الثانوي : ودة بينتج نتيجة مشكلة معروفة وليه سبب واضح .. ويتراوح من أسباب بسيطة ل أسباب خطيرة تستلزم التدخل العاجل

طيب اية أسباب الصداع الثانوي ؟؟

الانيميا
الإمساك
مشاكل النظر والابصار
الجيوب الانفية
مشاكل الاسنان
مشاكل العمود الفقري العنقي
إصابات الرأس المباشرة
نزيف المخ بأنواعه
بعض جلطات المخ خصوصا الجلطات الوريدية
التهابات المخ او السحايا .. (اللي هيا الاغشية المحيطة بالمخ والنخاع الشوكي)
اورام المخ

وأسباب تانية كتيرة جدا ...

زي ما شفنا الأسباب منها ما هو حميد جدا ومفيش منه أي خوف او قلق ومنها أسباب اكثر خطورة تستلزم زيارة طبيب المخ والاعصاب على الفور .. وعشان تعرف ايه علامات الخطر في الصداع .. ممكن تشوف موضوعنا السابق ...
https://www.facebook.com/111751073719624/posts/pfbid02ptUoB2TNanckNwsDuo8MeNcjxLiiEXTjQ8ErabeLAVjBoWnJDRFAKmhFkVPXPQdbl/

ومن حيث العموم عند الشكوى المتكررة من الصداع يرجى زيارة طبيب امراض المخ والاعصاب للفحص الطبي وتقييم الحالة عشان يتم تحديد المشكلة ووصف العلاج ان شاء الله

شير وعرف غيرك

دكتور أسامة يعقوب محمد

استشاري ومدرس أمراض المخ والأعصاب
كلية طب قصر العيني - جامعة القاهرة
دكتوراة الأمراض العصبية - جامعة القاهرة
ماجستير الأمراض العصبية والنفسية - جامعة القاهرة
عضو الجمعية المصرية للأمراض العصبية والنفسية وجراحة الأعصاب

عيادة الدقي :
119 ش التحرير بجوار محطة مترو الدقي - الدور الخامس

عيادة أكتوبر :
المحور المركزي - بجوار مسجد الحصري - أبراج أكتوبر بلازا - الدور الأول

للمواعيد والحجز بالعيادات بالاتصال على : 01143006611