.png)
يعني ايه صداع - الصداع
يا دكتور عندي صداع
عندي وجع في راسي مش صداع
تنميل في راسي
مصدع ... بصدع
اول مرة اصدع كدة
بقالي عشر سنين صداع مستمر
كل اما اصدع يحصل ترجيع
بصحى من النوم مصدع
بصحى كويس وبعدين بصدع مع مرور اليوم... الخ
وحاجات كتير بنسمعها بشكل يومي
تعالوا نعرف يعني اية صداع ؟
الصداع يعني ألم أو وجع أو إحساس غير مريح في الرأس أو الوجه أو الرقبة (يبقى كلمة وجع في الراس معناها أية ؟؟؟ معناها صداع بردو )
الصداع من اشهر الشكاوى في الطب عموما وفي المخ والاعصاب خصوصا ... ومن اكتر أسباب زيارة طبيب امراض المخ والاعصاب هو الصداع ... وبعض أنواع الصداع بتكون من اكتر الأسباب اللي بتسبب غياب الناس عن شغلهم واعاقتهم في أداء مهامهم اليوميةوضعف التركيز واحيانا العصبية والانفعالات والتوتر ... ودة بيدفع ناس كتير على استخدام المسكنات بشكل كبير جدا واللي ممكن يؤدي الى زيادة الصداع بشكل اكبر ((الصداع الارتدادي او صداع فرط استخدام المسكنات)) ودا كتبنا عنه موضوع كامل قبل كدة في الصفحة هنا ..أية رأيك تقرأه وتاخد فكرة عنه
الصداع منه ما هو حميد جدا ومفيش منه أي قلق او خوف حتى لو متعالجش ومنه ما هو خطير جدا وبيكون انذار لمشاكل خطيرة تستلزم التدخل المبكر العاجل ... فمش كل صداع زي التاني ولا كل صداع بياخد نفس العلاج أو بيتم التعامل معاهم زي بعض ... مع ان الشكوى واحدة بس السبب ممكن يختلف اختلاف كبير جدا .. ممكن من مجرد انيميا او امساك الى نزيف او اورام المخ ... يبقى كلمة صداع لا تساوي مرض معين ... لكن هو عرض ممكن يحصل مع أمراض وأسباب كتير
طيب طالما الموضوع ملخبط اوي كدة وان الصداع عرض واسبابه كتير اوي كدة ... امتى ممكن اقلق من الصداع ولازم زيارة طبيب امراض المخ والاعصاب فورا من غير انتظار ؟؟
دا اللي هنعرفه مع بعض في الموضوع الجاي ان شاء الله ... تابعونا????????????????
دكتور أسامة يعقوب محمد
استشاري ومدرس أمراض المخ والأعصاب
كلية طب قصر العيني - جامعة القاهرة
دكتوراة الأمراض العصبية - جامعة القاهرة
ماجستير الأمراض العصبية والنفسية - جامعة القاهرة
عضو الجمعية المصرية للأمراض العصبية والنفسية وجراحة الأعصاب
عيادة الدقي :
119 ش التحرير بجوار محطة مترو الدقي - الدور الخامس
عيادة أكتوبر :
المحور المركزي - بجوار مسجد الحصري - أبراج أكتوبر بلازا - الدور الأول
للمواعيد والحجز بالعيادات بالاتصال على :
دكتور / أسامة يعقوب
عفواً لا يوجد تعليقات في الوقت الحالي ، كن أول من يعلق على هذا الموضوع ... ↴
