أسباب نوبات اضطراب كهربية المخ "نوبات الصرع" - اضطراب كهربية المخ (الصرع)

استكمالا لكلامنا عن اضطراب كهربية المخ وبعد ما قلنا فكرة عامة عن المرض والانواع ...
هنتكلم دلوقتي عن ايه هيا الأسباب اللي ممكن تؤدي الى نوبات الصرع او نوبات اضطراب كهربية المخ
اول واهم سبب هو مرض اضطراب كهربية المخ واللي قلنا عليه المشهور باسم مرض الصرع “Epilepsy” :
طب اية أسبابه ..
تخيل ان في حوالي نصف الحالات مفيش سبب واضح ومحدد ... او ممكن يكون خلل جيني او عامل وراثي وكتير من الحالات دي بيكون فيه حالات مشابهة في العائلة
بعض الاضطرابات الدماغية ... زي اورام المخ...والتشوهات الوعائية ... وجلطات المخ
التهابات المخ ... سواء بكتيرية او فيروسية
إصابات الولادة.. زي حالات نقص الاكسجين
إصابات الرأس .. زي حوادث السيارات
امراض اضطرابات النمو .. زي التوحد
الخرف وامراض تدهور القدرات العقلية

أسباب تانية بقى زي :
السخونية الشديدة
اضطرابات الاملاح في الدم .. زي نقص الصوديوم
قصور وظائف الجسم المختلفة زي الكلى والتنفس
اضطراب معدل السكر في الدم سواء بالنقص او الزيادة
الامراض المناعية
المخدارات والكحوليات
بعض الادوية .. ودي نقطة مهمة عشان كدة التاريخ المرضي للأدوية مهم جدا

المهم انه عند حدوث أي نوبات تشنجات او أي حدث غير معتاد للشخص اللي ادامك لأول مرة...
يفضل تصوير فيديو اثناء الحدث والتوجه فورا للطوارئ لعمل الفحوصات الأولية والاطمئنان وبعدين المتابعة مع طبيب امراض المخ والاعصاب ...

طيب لو الشخص دة معروف انه مريض اضطراب كهربية المخ ... اية الحالات اللي يلزم فيها مراجعة الطوارئ او طبيب المخ والاعصاب .....
ده اللي هنتكلم عنه ان شاء الله في موضوعنا الجاي ... تابعووونااا ????????‍????????
متنساش .. شير وعرف غيرك

دكتور أسامة يعقوب محمد

استشاري ومدرس أمراض المخ والأعصاب
كلية طب قصر العيني - جامعة القاهرة
دكتوراة الأمراض العصبية - جامعة القاهرة
ماجستير الأمراض العصبية والنفسية - جامعة القاهرة
عضو الجمعية المصرية للأمراض العصبية والنفسية وجراحة الأعصاب

عيادة الدقي :
119 ش التحرير بجوار محطة مترو الدقي - الدور الخامس

عيادة أكتوبر :
المحور المركزي - بجوار مسجد الحصري - أبراج أكتوبر بلازا - الدور الأول

للمواعيد والحجز بالعيادات بالاتصال على : 01143006611