أنواع اضطراب كهربية المخ - اضطراب كهربية المخ (الصرع)

اتكلمنا قبل كدة عن مقدمة مهمة جدا عن مرض اضطراب كهربية المخ واللي مشهور باسم الصرع ... ايه رأيك تروح تشوف الموضوع دة .. فيه توضيح مفاهيم كتير

دلوقتي بقى هنقول اية انواع اضطراب كهربية المخ
النوبات الجزئية :
ودي بتبقى نتيجة اضطراب كهربية المخ في جزء معين في ناحية معينة من المخ وبتكون الاعراض حسب المكان اللي فيه البؤرة دي
والنوبات دي بتتقسم لنوعين :
نوبات جزئية بسيطة : ودي بتحصل من غير أي اضطراب في الوعي زي تشنجات حركية في جزء من الجسم او تغيرات في الإحساس في جزء من الجسم او تغيرات شعورية او في الرائحة او التذوق او سماع أصوات
نوبات جزئية معقدة : ودي بيكون فيها اضطراب في الوعي والادراك مع حدوث حركات مركبة زي فرك اليدين والشفايف واللسان
ومهم جدا تفرقة الأنواع دي عن حاجات تانية كتير غير اضطراب كهربية المخ
النوبات الكلية او العامة :
ودي بتكون نتيجة اضطراب عام في جميع أجزاء المخ
ودي بيكون فيها اضطراب في الوعي او الادراك و منها أنواع كتير .. من مجرد ان المصاب يبص بعينه في الفراغ الى النوبات الكبيرة اللي فيها تشنج في الجسم كله والانواع دي يحددها الطبيب المختص عن طريق سماع الشكوى المرضية والأفضل روية فيديو للمريض اثناء الحدث نفسه إن أمكن
دا باختصار الأقسام الأساسية لاطضراب كهربية المخ بس خلي بالك
مش أي اضطراب في حركة الجسم يبقى نتيجة اضطراب في كهربية المخ
ومش أي اضطراب في كهربية المخ لازم ينتج عنه اضطراب في الحركة ... عشان كدة يرجى استشارة طبيب امراض المخ والاعصاب لمعرفة الحالة والتوجيه الصحيح

طيب اية أسباب كل دة بقى وليه ممكن يحصل اضطراب في كهربية المخ والاعراض دي ... دا اللي ان شاء الله هنعرفه في الموضوع الجاي ... تابعونا

ومتنساش تقرأ موضوع اضطراب كهربية المخ اللي فات
https://www.facebook.com/111751073719624/posts/531002535127807/
.. و شير وعرف غيرك

دكتور أسامة يعقوب محمد

استشاري ومدرس أمراض المخ والأعصاب
كلية طب قصر العيني - جامعة القاهرة
دكتوراة الأمراض العصبية - جامعة القاهرة
ماجستير الأمراض العصبية والنفسية - جامعة القاهرة
عضو الجمعية المصرية للأمراض العصبية والنفسية وجراحة الأعصاب

عيادة الدقي :
119 ش التحرير بجوار محطة مترو الدقي - الدور الخامس

عيادة أكتوبر :
المحور المركزي - بجوار مسجد الحصري - أبراج أكتوبر بلازا - الدور الأول

للمواعيد والحجز بالعيادات بالاتصال على : 01143006611