.png)
هام جدا !! أروح لمين ؟؟ - مواضيع متفرقة
عند وجود شكوى تخص المخ والأعصاب.. تروح فين ولمين ؟ 
خلي بالك فيه ٣ تخصصات الناس بتتلخبط فيهم بشكل كبير جدا 
طيب ايه هم ؟؟
الاول امراض المخ والأعصاب
التاني جراحة المخ والأعصاب
التالت الأمراض النفسية
طيب تعالوا نعرف باختصار كل تخصص بيعالج أية ؟ 
جراحة المخ والأعصاب :
والمشهور ب
جراحة المخ والأعصاب
أو جراحة المخ والأعصاب والعمود الفقري
ودوره الأساسي التدخلات الجراحية سواء الكبيرة أو الدقيقة .. سواء تخص المخ أو العمود الفقري زي على سبيل المثال لا الحصر ... أورام المخ والنخاع الشوكي وبعض حالات نزيف المخ اللتي تستدعي التدخل الجراحي وحالات ارتفاع ضغط المخ واستسقاء المخ اللي تستلزم تركيب صمام ل تقليل الضغط وآلام العمود الفقري والانزلاق الغضروفي وخاصة التي لا تستجيب للعلاج الدوائي أو المصاحبة بأعراض شديدة تستلزم التدخل الجراحي
تخصص الأمراض نفسية :
واسمه بردو
الأمراض النفسية والعصبية
ودوره في تشخيص وعلاج الأمراض النفسية زي الذهان واضطراب ثنائي القطب والقلق والتوتر والاكتئاب المزمن واضطرابات السلوك
بس خلي بالك ان فيه كتير من الأعراض النفسية بتكون نتيجة أمراض عضوية تصيب المخ وخصوصا في السن الكبير وفي الحالات دي مهم ان المريض يتعرض على طبيب امراض المخ والأعصاب للفحص واستبعاد الأسباب العضوية
امراض المخ والأعصاب :
ودا ليه اسماء كتير خلي بالك منها
طب المخ والأعصاب
مخ واعصاب باطنة ... بس خلي بالك مش باطنة عامة
الأمراض العصبية ... ودا مش معناه دكتور اعصاب بس زي ما كتير بيكون فاهم ... لكن بيشمل الأعصاب والمخ بردو
دكتور اعصاب ... ودا نفس الكلام ... هو تخصص الأمراض المخ والأعصاب
وممكن يكون ملحق في المسمى : عمود فقري أو لأ
ولو مش ملحق عمود فقري في المسمى دا مش معناه أنه مش بيعالج آلام العمود الفقري ...
طيب أية دور تخصص امراض المخ والأعصاب أو العصبية ؟
هو مسؤول عن تشخيص وعلاج أمراض المخ والأعصاب وآلام العمود الفقري
ودا الجزء النظري الباطني لعلم الأعصاب ودا بيشمل حاجات كتيرة ... (( ودا مكتوب بالتفصيل في موضوع : متى يجب الذهاب ل طبيب امراض المخ والأعصاب ؟ .... أية رأيك تشوفه وتعرف التفاصيل 
))
ودكتور امراض المخ والأعصاب بيسمع التاريخ المرضي كويس ويفحص المريض ولو محتاج تدخل جراحي يحول المريض ل دكتور جراحة المخ والأعصاب
ولو الأعراض نفسية يحول للأمراض النفسية
عشان كدة عند وجود اي اعراض تخص المخ والأعصاب ينصح بالتوجة ل طبيب امراض المخ والأعصاب وان شاء الله يوجهك تعمل أية 
وخلي بالك فيه ناس كتير بتتابع حالتها المرضية ولفترات مش قليلة مع التخصص الغير دقيق 
تابعونا
#شير وعرف غيرك
دكتور أسامة يعقوب محمد
إستشاري ومدرس أمراض المخ والأعصاب
كلية طب قصر العيني - جامعة القاهرة
دكتوراة الأمراض العصبية - جامعة القاهرة
ماجستير الأمراض العصبية والنفسية - جامعة القاهرة
عضو الجمعية المصرية للأمراض العصبية والنفسية وجراحة الأعصاب
عيادة الدقي :
119 ش التحرير بجوار محطة مترو الدقي - الدور الخامس
عيادة أكتوبر :
المحور المركزي - بجوار مسجد الحصري - أبراج أكتوبر بلازا - الدور الأول
للمواعيد والحجز بالعيادات بالاتصال على : 01143006611
د/ أسامة يعقوب
عفواً لا يوجد تعليقات في الوقت الحالي ، كن أول من يعلق على هذا الموضوع ... ↴
